احوالات یعقوب کندی
شاه اقلیم وفا عاشق پرشور حسین
لَله سی روح الامـین جاریـه سی حور، اهنگ عربی هله بل خمی حسین
جدّینون طاق جبینینده اولان نور حسین
سوزی ا... اهنگ عربی هله بل خمی سوزیدور، دستی خدانون دستی
جرعه نوش ازلی جام الستون مستی
متن منشوری چراغ ره ابنای بشر
فوج کفر و ظُلمـه نـهضتی مبنای خطر
لحمـی لحم نبوی، چهره سی سیمای ظفر
آستان شرف افزاسی اولان ایمن گاه
خامس اهلا مرتبه سی ثارا...
وسعت دایره ی معدلتی دامنـه دار
پند پیرانـه سی احراری ایدن مست و خمار
اهل عرفانـه سوزی گوهر پر ارج و عیـار
یتمـیش عاشقله اولان کنگره ی کبراسی
لیلة القدره دونن لیله ی عاشوراسی
تیغ منطقله کَسن یـاوه سرالر دهنین
خونی سرسبز ایلین دائمـی دینین چمنین
باغبان تک بجرن لاله لرین یـاسمنین
بزمـیدن بزمـه سوزی درد و بلاسی چکیلن
هر محرّمده سماواته قراسی چکیلن
مـهر مکنونی دل مومنـه پر شعله سراج
صله ی مرحمت و جودینـه عالم محتاج
باشینون قانی یـارالی باشنا قرمزی تاج
تالانان خانـه سی، اهل حرمـی خانـه بـه دوش
عندلیبان پَر آشفته سی کاشانـه بـه دوش
مُفتی کوفه شریحون قلمـی ایتدی فسا
ابی عبدالَلهه قویدی او دنی خارجی آد
پخش ایدوب یـازدیقی فتواسین اونون ابن زیـاد
خانـه بـه خانـه ویروب مردمـه جنگ اخطاری
یخدی زهرانون ایوین کوفه نین استانداری
اسلحه سازلری ویردی او ظالم پیغام
گرم اولون صنعتیزون اوسته ایدون سعی تمام
نیزه شمشیر دوزَلدون بیز اوچون صبحیله شام
مرکز صنعتینی باغلاسا هر اسلحه ساز
ایلسون گوشـه ی زنداندا گرک سوز و گداز
کوفه نین اولدی جری ملّت پست افکاری
بی اراده بشرون مقصدی اولماز آری
دولدوروب اسلحه نون مشتریسی بازاری
تنگه بیربیرلرینی مردم نادان سالدی
ویردی موجود پولون اسلحه ی جنگ آلدی
هره بیر آلت ظلم و خطر آلدی اوزونـه
بیری نیزه بیری امّا سپر آلدی اوزونـه
اوچ عدد حرمله تیر سه پر آلدی اوزونـه
اوخلارا سالدی نظر گَلدی او ظالم سخنـه
هدفه دگسه بو اوخلار دیدی کافیدی منـه
خطری چوخدی نشانـه ایلسم من هایـانی
داغ دیده ایده جاق هر بیر اوخوم بیر آنانی
هر قوی مرده توخونسا چخاجاق فوری جانی
پرلریندن هر اوخون فکر ایدورم قان سوزولر
شیرخواره اوشاقا دگسه بوغازی اوزولر
الغرض زاده ی مرجانـه او خونخوار و لعین
گَلدی هر قدری قوشون اسلحه ایتدی تامـین
کربلا دشتینـه هر گون یولا سالدی نچه مـین
بیر اولمادی دیسون بو سوزی اول فتنـه گره
نـه قدر گوندروسن قاتل او یتمـیش نفره
بیر قبیله واریدی اهلی بصیر و هشیـار
کوچری خیمـه نشین کوفه دن البتّه کنار
اوردا بیر عورت دیندار و برازنده شعار
باشـه یِتمـیشدی بیـاباندا گئجِیله گونوزی
مرتضی شیعه سی، چوخ یـاخشی حسینچیدی اوزی
طائر روحی پریشانیدی افسرده خیـال
شـهر عشقه گیده بُلموردی او شایسته خصال
آرزومندیدی لطف ایلیـه حیّ متعال
قلبیده سو سَپیله نایره ی حسرتینـه
شـهر یثربده حسینون یتیشـه خدمتینـه
هی دیوردی منـه یـارب سن اوزون ایله کرم
گوگلوم ایستور آقامـی حال حیـاتیمده گورم
گورمـه مـیش صورتین انصاف دگول قبره گیدم
ا... اهنگ عربی هله بل خمی ا... ایله زائل بو اورک درد و غمـین
تیز نصیب ایله او سلطانین اُپوم من قدمـین
کوفه اشراری یـازوب نامـه او مـهر شرفه
حرکت ایلیوب حتماً گله جاق بو طرفه
کوفیـه گَلسه مسلّم یترم من هدفه
اولالار شـهرنشین خیمـه مـیزی ترک ایدرم
ایوینـه خدمت اوچون هفته ده بیر یول گیدرم
بو خیـالاتیله سرگرمـیدی اول پاک خصال
اوغلی یعقوب گَلوب گوردی اونی غرق ملال
دیدی دردون ندی ای مام گرامـی بو نـه حال
ندن اوتری بو قدر قلبیده فکر ایلورسن
منـه باخمورسان حسین آدینی ذکر ایلورسن
دیدی هجران گور نـه خوشدی وصال اولسون اوغول
چاره ایله، من اوچون رفع خیـال اولسون اوغول
ویردیقیم صود سنـه که تا اینکه حلال اولسون اوغول
آقامـین عشقی ووروب باشیمـه گوزیـاشیم آخور
بیر علاج ایله اماندی منـه، قلبیم داریخور
دیدی ای عالم هجرانیده بی تاب آنا
عشقینون قیمتی گوهر کیمـی نایـاب آنا
وضع مالیم ایلمور گیتماقا ایجاب آنا
خرج راه سفره اولسا گر امکان گیدرم
گوزومون اوسته آپارّام سنی الآن گیدرم
دانشور اهل قبیله آنا بیر تازه خبر
یتیروم محضریوه ایله سن اظهار نظر
مفتی کوفه ایدوب ملّته اعلان خطر
ضدّ اسلامـه یـازوب خارجی ایلوبدی قیـام
کوفه نون اهلی مسلّحدی مجهّزدی تمام
سیل تک کرب و بلا دشتینـه لشکردی گیدور
یـاغلیوب پیر و جواب یکسره خنجردی گیدور
تک نـه شـهر اهلی قبایلده مکرّردی گیدور
گور صلاح اولسا آنا محضریوین ترکین ایدوم
اجری وار خیر عمله هامّی گیدور منده گیدوم
اولسا هم دست اگر دست طبیعت الیمـه
اُلمـه سم دوشسه منیم جنگیده نصرت الیمـه
ویرورم قول شرف گَلسه غنیمت الیمـه
سهم تاراجیمـی بازاریده دینار ایدرم
نگران اولما ح سنی زوّار ایدرم
اوغلینون سوزلرینی درک ایلین وقته آنا
وار امـیدیم دیدی اللهه یـاتان بخت اویـانا
گیت گوروم جنگیده منجر اولاجاق ایش هایـانا
تاپاسان کاش بو گیتماقدا سعادت گَله سن
الده سهمـیّه ی تاراج سلامت گَله سن
بیرده بیر سوز سنـه اظهار ایدورم قلبیوه یـاز
لنگدور کوفه لیلر راه دیـانتده بیر آز
صدق گفتار او منافق کیشیلرده اولماز
دللرینده اولارین نور وفا فوری سونر
دینیدن گورسه طلانی چوخی بیر گونده دونر
کربلایـه یتیشن وقتیده قیل اخذ کمال
گیت امـیر سپهین محضرینـه ایله سوال
دینـه گور کیمدی خروج ایلین آدین خبر آل
کورکورانـه گیدوب رزمگهه قان توکمـه
غارت خاطر اوغول بیره خنجر چکمـه
زندگیده بشرون فکری گرکدور دوز اولا
چشمـه ی حقّی تاپا ساغر آمالی دولا
آنادان درس ادب آلدی اوغول دوشدی یولا
عصر عاشور گَلوب چاتدی بلانون چولینـه
باخدی دقّتله بیر آز کرب و بلانون چولینـه
گوردی لشکر دایـانوب دشت و بیـابان دولوسی
کشته لر یرده پراکنده دی مـیدان دولوسی
قان ایدوبدور او یرین چاله لرین قان دولوسی
باخوسان هر یره اندوه بلا صحنـه سیدور
قانلی خنجردی، سنق اوخدی، کمان پاره سیدور
ولی بیر یـاندا دوتوب نچّه حرمخانـه قرار
او حرمخانـه لری خندق ایدوب دوره حصار
مقتل و خیمـه آراسیندا اوجا تلّیده وار
بیر خانم اوردا ایدور ناله توکور گوزدن یـاش
سسلنور هارداسان آخِر نگرانم قارداش
دیدی یعقوب اولوب کوفه لیلر فارغ عمل
نـه مبارز گورونور عرصه ده نـه اهل جدل
هامـی حیران دایـانوب پنجه ده شمشیر اجل
او چوخور یرده نـه وار چوخدی تردّد او یره
اوردا حتماً یخیلوب خارجی دوشموش خطره
قتلی واجبدور اودور هامّی بیله شرکت ایدور
اوخچیلار اوز عملینده نجه گور سرعت ایدور
داش آتانلار داش آتور بیربیرینـه سبقت ایدور
اَُلسه اول شخص یقیناً گله جاق مقصد اله
یـا کـه لشکر ایلیور غارته خاطر عجله
یوخدی اقبالیم اودور اولدی منیم تاخیریم
باتمادی قانـه بو صحرادهن شمشیرم
سهم تاراجه نـه وار نقشـه نـه وار تدبیریم
آنامون بختی منـه ایتمدی بیر ذرّه کمک
دست خالی قِییدم خیمـه مـیزه ایمدی گرک
محضر زاده ی سعده یتیروم صحبتیمـی
چاره یوخدور اونا تشریح ایلیوم نیّتیمـی
نظره شاید آلا گَلماقیمـی زحمتیمـی
واگذار ایتسه هر ایش حکمـینی اجرا ایدرم
ایتدیقیم خدمتیمـی خوشلاسا دلخوش گیدرم
گَلدی سعد اوغلونا اوز مطلبین اظهار ایلدی
عذریله علّت تاخیرینی گفتار ایلدی
او زنازاده ده تقدیر سزاوار ایلدی
ناامـید اولما دیدی کوکب اقبالوندان
قصد خدمتله گَلوبسن گورونور حالوندان
مردسن ایله عمل امرینـه مردانـه بو گون
نائل اول جایزه و فدیـه ی شایـانـه بو گون
الیوی فوری یتور خنجر برّانـه بو گون
سعی و کوشش ایله وور سینوه خدمت داشینی
اور چوخور یرده دوشَن خارجینون باشینی
گیدرم قتلینـه واردور دیدی بیر شرطی امـیر
منی اول خارجینون آدینـه سن ایله خبیر
آیریلیق وقتی آنام ویردی منـه پند کبیر
بوشلا گر شیشـه ی جام عملوز صاف دگول
کورکورانـه گیدوب باشم انصاف دگول
دیدی سعداوغلی عجب مطلبی واهی سانوسان
بیر نفر خارجینون حالینـه بیجا یـانوسان
دی گوروم کوفه ده یعقوب، شریحی تانوسان
کوفیـانون اونا کـه فقهیده تابعدی چوخی
مُفتی اعظموزون آل اله فتواسین اوخی
جانب مقتله یعقوبی غرض ایتدی روان
ایستموردی گیده امّا او جوان بخت جوان
الده خنجرگوداله یتیشدی نگران
گوردی بیر یـاره لیدور سی پیکان دولوسی
ایکی زیبا گوزینون کاسه لری قان دولوسی
تیر و پیکان الینـه ویرموش اجل نامـه سینی
داغیدوب نیزه لر اگنینده اولان جامـه سینی
تاج یـاقوتی ایدوب قان یـاشیل عمّامـه سینی
هر یریندن یـارالی ده وار چوخ یـاراسی
قلبینون جعبه سینی پارچالیوب اوخ یـاراسی
ساق الینده قلجی یوخدی صول الده سپری
آچیلوب پاره لنوب بِلده کی بند کمری
بیربیریندن آرالانموش زرهین حلقه لری
تار موی رُخی خوش منظرینـه قان دوزولوب
شطّه شطّه ایله بُل نظمـیله مرجان دوزولوب
سوز گرمای بیـابان نفسین تنگه سالور
ایستی یل پیکرینـه دگدوقیجا عطر اوجالور
دورا بُلمور ایـاقا چاه بلاده چابالور
یـاخشی لحنیله گوزل سوز او دل آگاه دیور
تک نـه قانلی دوداقی قلبیده ا... دیور
ایتدی یعقوبه اثر حال غم افزای امام
قتلینـه اولسا دیدی منده بونون روح قیـام
آنامون شیر بهاسی من اوچون اولسون حرام
منـه اثبات دگول بو یـارالی مجرمدور
گوزین آچسِیدی دانیشسِیدی بُلردیم کیمدور
ذات حقّین عجبا بنده ی زیباتری وار
حیف اولا قامت زیبا قان بستری وار
لهجه سیندن کـه حجاز اهلینـه چوخ بنزری وار
گوردی مـهمانینی آواره رئیسُ الثّقلین
جدّی پیغمبر اُپن گوزلرینی آچدی حسین
گُل کیمـی لبلری گولدی ایدوب آغاز سخن
دیدی یعقوب گَلوبسن باشیمـی کَسماقا سن
ذبح ایله فکر ایلمـه مانع اولام فعلیوه من
تیز قِییت منتظرون وار ایدور السّاعه دعا
ابن سعده باشیمـی ویرمـه، آپار ویر آناوا
قویدی یعقوبی تحیّرده امامون سخنی
قلجی آتدی یره، برگ تک اَسدی بدنی
سن گوروبسن دیدی آیـا دی گوروم هاردا منی
اورک آئینـه سینون گردینی سیلدون یـارالی
دل آچوب من دیمـه مـیش آدیمـی بُلدون یـارالی
دیدی هر مقصد و منظوره گَلوبسن بُلورم
آناوین خاطرینـه شوره گَلوبسن بُلورم
فکر خدمتله او مـهجوره گَلوبسن بُلورم
نیّتوز وار گهر عشقوزه قیمت ویره سوز
شـهر یثربده حسن ابن علینی گوره سوز
گیتمـیون یثربه تغییر مکان ایتدی حسین
تاپدی مـیقاتینی ترک سر و جان ایتدی حسین
عترتین چوللره سالدی نگران ایتدی حسین
او حسین کـه توکولور ظلمـیله قانی او منم
آدی اولموش آناوین ورد زبانی او منم
کمکیم قارداشیم اوغلوم هاموسی قانـه باتوب
بیر ردیفه دوزولوب خیمـه قباقینده یـاتوب
دلسیز اوغلومدا بو چولده بِشیگین گوزدن آتوب
آتش ظلمـیله زهرا آنامـین قلبی یـانوب
تلّین اوستونده الی باشدا باجیمدور دایـانوب
او چادرلار کـه نماسی گورونور محنتیله
عترتیم دالدالانوب اوردا نـه کیفیّتیله
قیزلاریم اللری بوینوندا دوروب وحشتیله
گوزلرین یولدا قویوب حال پریشان گَلدیم
نـه اولار دویدی نـه من دویدوم اولاردان گََلدیم
بیر قیزیم وار سارالان گلشنیمـه گُل سیـاقی
سوسوزوندان قوروموشدی او قیزین دل دوداقی
یـالواروردی منی ایله باباجان سو قوناقی
من دوشنده یولا سو جامـین الیندن آتدی
بوینونی چیگنینـه قویدی منی چوخ آغلاتدی
چوخ تلاش ایتدی آنان گورمدی دنیـاده منی
جریـانـه گیدوب آگاه ایله اول پیره زنی
کربلا دشتی دینـه اولدی حسینین وطنی
کاش ایستَکلی سن یتیرِیدون آناوی
یولداش ایلیِیدون اوزونله گَتیرِیدون آناوی
دیدی یعقوب تانیتدوردون آقا سن اوزیوی
جدّون احمددی، آنان فاطمـه، بُلدوم سوزیوی
دگولم لایق اُپم قانیله دولموش گوزیوی
یـا جسارتدی منـه قانلی دوداقوندان اُپوم
اورگیم یـاندی، اجازه ویر ایـاقوندان اُپوم
درک ایدِیدی آقا ای کاش اجل یولدا منی
یـا گوزوم کور اولِیدی بیله گورمِیدی سنی
من یتورّم آناما بو جریـانی علنی
دیرم آغلا آنا مشتری وار گوزیـاشوا
انتظار اولما آقام اُلدی کول اولدی باشوا
شاعر : اهنگ عربی هله بل خمی مرحوم انور
[متن نوحه های ترکی و فارسی اهنگ عربی هله بل خمی]